علق عماد متعب، نجم الأهلي السابق، على استبعاد إمام عاشور ومحمد هاني من قائمة الفريق لمواجهة مودرن سبورت بالحولة الثامنة من الدوري، مؤكدًا أن استبعاد إمام عاشور قرار سليم من وجهة نظره، بينما أبدى استغرابه من استبعاد محمد هاني، مشددًا على أهمية شخصية اللاعب والتزامه داخل الملعب.
وجاءت تصريحات متعب خلال ظهوره عبر قناة أون سبورت.
عماد متعب: لازم نبطل نفخ في اللعيبة قال عماد متعب: «مفيش عندنا نجم ولا أسطورة، اللعيبة عندنا كلها في مستوى بعض، ما ينفعش لاعب يكون لعب سنة واحدة ونفضل نقول إن هو لاعب كبير وأسطورة ونجم.
عايزين نبطل نفخ في اللعيبة، نفسي المذيعين والمعلقين ما يقعدوش يقولوا على لاعب نجم وأسطورة وهو مش كده».
عماد متعب: استبعاد إمام عاشور سليم لأنه مش في مستواه وأضاف متعب عن إمام عاشور: «استبعاد اللاعب حق أصيل للمدير الفني، واستبعاد إمام عاشور استبعاد سليم، لأن إمام مش في مستواه، يعني إحنا دايمًا لما بنتكلم قبل المباريات بنقول يا رب إمام النهارده يكون في حالته، إمام بيلعب على قد التسعين دقيقة، وده مش هينفع، لازم يقدر موهبته ويعرف طريقة لعب النادي الأهلي، لأن المستويات كلها قريبة، دي وجهة نظري، إمام لازم يركز بشكل أكبر في الكرةة، ولازم يفهم طريقة لعب النادي الأهلي، وإنه لو حب إنه يرجع بعد كده ممكن ما يبقاش الوقت مناسب».
عماد متعب: مستغرب جدًا من استبعاد محمد هاني وأبدى نجم الأهلي السابق استغرابه من استبعاد محمد هاني، قائلًا: «أنا مستغرب جدًا من استبعاد محمد هاني، محمد هاني ما ينفعش أحطه في كفة مع أي لاعب تاني، محمد هاني أنا أساويه بالشناوي، لاعب ملتزم ومنضبط وقدم للنادي الأهلي كثير جدًا، ولاعب راجل في الملعب وحط تحت دي مليون خط».
وأضاف متعب: بعد مباراة القناة، محمد هاني تم استبعاده هو وإمام عاشور، فلو إنت بتستبعده لأنه لم يكن موفقاً في مباراة القناة فهذه مشكلة أكبر، لأنه هو عنده تاريخ يغفر له».
واختتم تصريحاته قائلًا: «محمد هاني كان أفضل لاعب في مباراة الزمالك، وفي مباراة القناة الفرقة كلها كانت وحشة، فأنا لا أحاسب اللي كان وحش، أنا أحاسب اللي ما كانش راجل، هتلاقي الكلام الفني ممكن نتكلم فيه كتير، أنا بتكلم على الشخصية».
تاريخ النشر: الخميس، 29 أكتوبر 2026 05:59 م