وجه مروان حمدي، مهاجم بيراميدز، رسالة إلى زملائه في الفريق عقب التتويج ببطولة دوري أبطال أفريقيا، مؤكدا على شعوره بالفخر بعد الفوز بأول لقب أفريقي في تاريخ النادي.واستطاع بيراميدز من تحقيق الإنجاز التاريخي بعد تفوقه على صن داونز الجنوب إفريقي بنتيجة 3-2 في مجموع مباراتي الذهاب والإياب، حيث انتهت مباراة الذهاب في جنوب إفريقيا بالتعادل 1-1، قبل أن يفوز السماوي في القاهرة على ملعب الدفاع الجوي 2-1.وكتب مروان حمدي عبر صفحته على "فيس بوك": "الحمد لله، إحنا أبطال إفريقيا بعد تعب كبير جدًا وموسم عظيم لينا، ربنا كرمنا بأغلى وأهم بطولة، كسبناها عن استحقاق وبمجهودنا وتركيزنا وإصرارنا".وأضاف: "فخور جدًا بينا وبأخواتي أحسن لاعيبة في مصر وإفريقيا، وأنضف شخصيات، كل فرد داخل منظومة بيراميدز يستحق الشكر، وشكرًا جدًا للجمهور المحترم اللي جه ساندنا النهاردة، حقيقي كانوا ناس جميلة جدًا، مفيش نادي في العالم بيتولد بجماهير، لكن الشعبية بتتعمل واحدة واحدة، والناس هتبدأ تشجع بيراميدز، وأنا واثق في ده إن شاء الله".وتابع: "وقتنا دلوقتي نستمتع، وعايز أقول معلش لأي حد كان عايز يشمت فينا أو كان بيتمنى نخسر، معلش جدًا، صعبان عليا والله، ألف شكر لإعلامنا الجميل المحايد العسل النموذج على النزاهة والأمانة في الشغل، وعلى اهتمامه ببيراميدز الفترة اللي فاتت، وإنه فريق مصري وصل نهائي أفريقيا وتغطية جميع أخباره ومتابعته".واختتم: "والمناسبة، احنا مكناش محتاجين دعمكم في حاجة، بس أنتم فعلًا واضحين جدًا للجميع، إلا من رحم ربّي، لكن ده العادي من إعلامنا المعروف عنه إنه بيشتغل الشغلانة صح بمعايير الإعلام المضبوطة، مش بيخاف من حد ولا شغال مصالح شخصية ، الحمد لله.. وأخيرًا هارد لك لمشجعي صن داونز الناطقين باللهجة المصرية".