اسعار العملة
شوبير يزف بشرى سارة لجماهير الأهلي بشأن أولى الصفقات الشتوية
منذ 3 ساعة (22-01-2025 08:39:20) (رياضة)
تحدث الإعلامي أحمد شوبير، عن صفقات الأهلي في فترة الانتقالات الشتوية الجارية، مشيرًا إلى أن المارد الأحمر يحاول في إتمام صفقتين أجانب، وصفقة محلية قبل غلق باب القيد الإفريقي.وقال شوبير في تصريحات إذاعية عبر برنامجه المذاع على «أون سبورت إف إم»: «النادي الأهلي شغال على ملف الصفقات، ولكن أسعار اللاعبين اتغيرت كتير جدًا عن الأول، والجمهور ضاغط بشدة وبعنف في موضوع الصفقات واللاعبين والنادي الأهلي شغال».وأضاف: «الكلام دلوقتي على لاعب سلوفيني بيلعب في الدوري المجري وأرقامه جيدة، ولعب مباراة مع منتخب بلاده وسجل هدف».وأكمل: «الكلام بيتقال إن الأهلي أنهى كل شيء معاه، بدء بعض الناس يقولوا هيديله مليون دولار في السنة، محدش عارف الأرقام وكله بيتكلم وبيعترض، إحنا القريبين أوي مش عارفين الأرقام».وزاد: «كل اللي نعرفه إن النادي الأهلي شغال على صفقتين أجنبيتين وصفقة محلية، الأمور صعبة جدًا ولكن الناس شغالة».وأتم شوبير تصريحاته قائلًا: «الأهلي بيصارع الزمن عشان آخر موعد لتسجيل اللاعبين قبل الغلق الإفريقي هو 31 يناير الجاري، عشان كدة الأهلي بيحاول ينجز المساءل بدري بدري».
